Нууцлалын бодлого

Цаг захиалахад дараах мэдээллийг хадгалдаг:

• Таны нэр, утасны дугаар, имэйл хаяг
• Захиалсан үйлчилгээ, ажилтан, огноо, цаг, үнэ
• Захиалгын түүх — ирсэн эсэх
• Тухайн газрын оруулсан тэмдэглэл (жишээ нь: харшил, онцлог хэрэгцээ)

Бид нууц үг хадгалдаггүй. Төлбөрийн картын мэдээлэл энэ системд ороход шаардлагагүй.

Зөвхөн таны цаг захиалгыг бүртгэх, баталгаажуулах, тухайн газарт харуулахад ашиглана. Имэйл хаягийг тань захиалгатай холбоотой захидал илгээхэд ашиглана — доорх «Захидал» хэсгийг үзнэ үү. Бид таны мэдээллийг зар сурталчилгаанд ашиглахгүй, гуравдагч этгээдэд зардаггүй.

Таны мэдээллийг та цаг захиалсан байгууллага эзэмшинэ. Baljun бол тэдний өмнөөс мэдээллийг хадгалж, боловсруулдаг программ хангамж нийлүүлэгч. Бизнес бүр зөвхөн өөрийн үйлчлүүлэгчдийн мэдээллийг харна — бид байгууллага хооронд мэдээлэл хуваалцдаггүй.

Мэдээлэл Япон улсын Токио дахь өгөгдлийн сан дээр хадгалагдана. Ингэснээр Монголоос хандах хурд өндөр байдаг. Энэ нь хилээр дамжуулан мэдээлэл дамжуулж байгаа хэрэг тул та цаг захиалахдаа үүнийг зөвшөөрч байгаа болно.

Тухайн газар таны захиалгын түүхийг үйлчилгээ үзүүлэх зорилгоор хадгална. Хүсэлт гаргавал устгана — доорх хэсгийг үзнэ үү.

• Өөрийн мэдээллийг харах, хуулбарыг авах
• Буруу мэдээллийг засуулах
• Устгуулах
• Зөвшөөрлөө цуцлах

Эдгээрийг хийлгэхийн тулд цаг захиалсан газар руугаа хандана уу, эсвэл бидэн рүү privacy@baljun.com хаягаар бичнэ үү. Бид 30 хоногийн дотор хариу өгнө.

Захиалгатай холбоотой дараах захидлыг таны имэйл хаяг руу илгээнэ:

• Захиалга баталгаажсан тухай
• Цаг эхлэхээс 24 цагийн өмнөх сануулга
• Цаг өөрчлөгдсөн, цуцлагдсан тухай мэдэгдэл

Зар сурталчилгааны захидал илгээхгүй. Захидал бүрийн доод талд «Ийм захидал авахаа болих» холбоос байгаа — дарвал тэр дороо зогсоно, хүлээх шаардлагагүй. Дараа нь цаг захиалах боломжид энэ нөлөөлөхгүй.

Асуулт байвал privacy@baljun.com.